RF Prezidenti Vladimir Putin noyabrın 21-22-də Rusiyada Türkiyənin Baş naziri Rəcəb Tayyib Ərdoğanla görüşəcək. 

Bu barədə Kremlin mətbuat xidməti xəbər yayıb.

Məlumatda qeyd olunur ki, V.Putin Sankt-Peterburqa gələcək və burada Rusiya-Türkiyə Yüksək Səviyyəli Strateji Əməkdaşlıq Şurasının IV iclasında iştirak edəcək.

Tədbir çərçivəsində RF Prezidenti və Türkiyə Baş naziri arasında ayrıca görüş keçiriləcək.

R.T.Ərdoğan RF dövlət başçısının dəvəti ilə noyabrın 21-22-də Rusiyada işgüzar səfərdə olacaq.