“Demokratik Qüvvələrin Milli Şurasından Bakı Şəhər İcra Hakimiyyətinə heç bir müraciət daxil olmayıb”.

Bunu Bakı Şəhər İcra Hakimiyyətin (BŞİH) ictimai siyasi və humanitar məsələlər şöbəsinin müdiri Zaur Ramazanov deyib.

Z. Ramazanov əlavə edib ki, Milli Şuradan mitinqin keçirilməsi ilə bağlı bu saata qədər BŞİH-yə heç bir müraciət edilməyib: “İcra hakimiyyətinin ümumi şöbəsinə ümumiyyətlə həmin qurumdan hər hansı müraciət daxil olmayıb”.

Qeyd edək ki, Milli Şuradan oktyabrın 20-də paytaxtda mitinq keçirilməsi ilə bağlı oktyabrın 14-də Bakı Şəhər İcra Hakimiyyətinə müraciət edildiyi bildirilib.