ABŞ Dövlət Departamentinin mətbuat katibi Cef Patke ATƏT nümayəndəsinin Ermənistan-Azərbaycan qoşunlarının təmas xəttində vertolyotun vurulduğu yerə getmək məsələsi ilə bağlı açıqlama verib.

ANS PRESS-in məlumatına görə o, "Amerikanın Səsi"nin İrəvan bürosunun sorğusuna cavabında deyib ki, biz ATƏT nümayəndəsinin Ermənistan vertolyotunun vurulduğu yerə gedə bilməməsi barədə məlumatlıyıq.

C.Patke bildirib: "Bizim mövqeymiz dəyişməyib. Bütün tərəflərə bir daha xatırladırıq ki, Dağlıq Qarabağ münaqişəsinin sülh yolu ilə həlli üçün səyləri ikiqat artırmaq çox əhəmiyyətlidir. Mənim deməyə başqa sözüm yoxdur."