Rusiya prezidenti müqəddəs kitablardakı mətnləri ekstremist adlandırmağı qadağan edib.

Rusiyanın prezidenti Vladimir Putin ekstremizm haqqında danışarkən Quran, İncil və digər müqəddəs kitablardan sitatlar gətirməyi qadağan etməyi təklif edib.

O, Rusiya Dövlət Dumasına bu haqda qanun layihəsi də təqdim edib. Həmin qanuna əsasən, Xristianlıq, İslam, İudaizm və Buddizmə aid müqəddəs kitablar ekstremist mənbə kimi təqdim və təsdiq edilə bilməz.

"İncil, Quran, Tanax (İudaizmdə müqəddəs yazı) və Qancur (müqəddəs buddist mətnlərinin toplusu), onların mətnləri və onlardan sitatlar ekstremist material kimi təsdiq edilə bilməz", - deyə qanun layihəsində deyilir.

Ehtimal olunur ki, həmin qanun layihəsi rəsmən elan edilən gündən etibarən qüvvəyə minəcək.

 

 

< Əvvəlki		Növbəti >