Gürcüstan müdafiə naziri Tina Xidaşeli Amerika və Avropa ölkələrinə ikihəftəlik turneyə çıxıb.

 "Dalğa TV"nin Gürcüstan Müdafiə Nazirliyinin mətbuat xidmətinə istinadən verdiyi məlumata görə, turne çərçivəsində T. Xidaşeli Kanada, ABŞ, Belçika, Almaniya və Azərbaycana səfər edəcək.

T. Xidaşelinin Nyu-Yorkda BMT sülhməramlı missiyalarının rəhbərləri ilə görüşləri, habelə Avropa Parlamentinin Müdafiə və təhlükəsizlik komitəsində çıxışı gözlənilir.

Gürcüstan müdafiə nazirinin sonuncu səfəri Azərbaycana olacaq. T Xidaşeli bildirib ki, ikigünlük səfər zamanı Azərbaycan tərəfi ilə bir sıra görüşlər nəzərdə tutulur.