Kvemo Kartlinin qubernatoru Paata Xizanaşvili vəzifəsini tərk edə bilər.

Dalga tv Xeber.ge-yə istinadən xəbər verir ki, qubernator “IPN” agentliyinə bildirib ki, onun digər vəzifəyə təyin olunması müzakirə olunur.

“Tezliklə xəbər tutacağınız bəzi dəyişikliklər ehtimal olunur. Mən digər vəzifəyə keçə bilərəm, lakin hələ qərar verilməyib”, - Kvemo Kartlinin qubernatoru deyib.

Paata Xizanaşvili 2014-cü ilin dekabr ayından Kvemo Kartlinin qubernatoru vəzifəsini daşıyır. Öncə o, İvanişvilinin “Cartu Group” şirkətində müxtəlif vəzifələrdə çalışıb.