Gürcüstanın baş naziri Georgi Kvirikaşvilinin İrana iki günlük rəsmi səfəri başlayıb. Bu barədə hökumət administrasiyasının mətbuat xidməti məlumat yayıb.

Dalga tv Xeber.ge-yə  istinadla xəbər verir ki, G.Kvirikaşvili nazirlərdən ibarət nümayəndə heyəti ilə İrana yollanıb.

Səfərin məqsədi Gürcüstan-İran münasibətlərini əhəmiyyətli dərəcədə dərinləşdirməkdir.

İran hakimiyyəti nümayəndə heyətini rəsmi mərasimlə qarşılayıb. Tehran hava limanında G.Kvirikaşvilini İranın birinci vitse-prezidenti Esxak Cahangiri qarşılayıb.

Gürcüstan və İran arasında diplomatik münasibətlərin əsası 15 may 1992-ci il tarixində qoyulub.