“Bakı-Tbilisi-Qars dəmir yolu nəqliyyat xəritəsində Çin və Avropa İttifaqı arasında orta dəhlizdir”.

APA-nın Gürcüstan bürosunun məlumatına görə, bunu Gürcüstanın baş naziri Giorgi Kvirikaşvili Tbilisidə keçirilən Gürcüstan-Estoniya biznes forumunda deyib.

“Gürcüstan Avropa və Asiyanı birləşdirən strateji nəqliyyat dəhlizlərini inkişaf etdirir. Tarixi “İpək yolu”nun bərpası çərçivəsində iki gün əvvəl Türkiyə və Azərbaycan prezidentləri, Qazaxıstan və Özbəkistan baş nazirləri ilə birgə Bakı-Tbilisi-Qars dəmir yolunun açılışını etdik”, - deyə baş nazir qeyd edib.