Egey dənizində Yunanıstanın sahillərində “Stella” adlı kiçik yük gəmisi batıb.

APA-nın “İTAR TASS”a istinadən verdiyi xəbərə görə, Türkiyədən Kiprə istiqamət götürən gəmi Karpatos adası yaxınlığında SOS siqnalı verib. Hadisə yerinə dərhal sahil mühafizə xidmətinin katerləri və 1 helikopter cəlb olunub.

Xilasedicilər qəza yerində göyərtəsində 5 dənizçinin olduğu qayıq aşkarlayıblar. Batan gəminin kapitanı onların arasında olmayıb. Onun axtarışları davam edir.

Xilas olunmuş dənizçilərin milliyyətcə gürcü olduqları bildirilir. Gəmi Syerra-Leone bayrağı altında üzüb.