Tiflis beynəlxalq hava limanında Azərbaycan vətəndaşından gömrük bəyannaməsində göstərilməyən 18 805 dollar dəyərində mal aşkarlanıb.

 

 

Gürcüstan Maliyyə Nazirliyinin Gəlir Xidmətindən bildirilib.

 

Məlumata görə, dekabrın 28-də Dubay-Tiflis reysi ilə Gürcüstan paytaxtına uçan  Azərbaycan vətəndaşı F.G.-nin baqajında və əl yükündə axtarış zamanı gömrük bəyannaməsində qeyd olunmamış iki kamera, iki noutbuk və 27 mobil telefon aşkar edilib.

 

Malların ümumi dəyəri 18 805 dollar təşkil edib. Sonda aşkarlanan mal sənədləşdirilib və ölçü götürmək üçün Gürcüstan Maliyyə Nazirliyinə təhvil verilib.