Afrika mühacirlərinin foto şəkili “World Press Photo” müsabiqəsində ilin fotosu seçilib. 

Amerika fotoqrafı Con Stenmeyerin çəkdiyi şəkildə kişilər Cibuti çimərliyində mobil telefon tutduqları əllərini göyə uzadıblar.

Dalgatv Anspress-ə istinadən bildirir ki, bununla onlar qonşu Somalidən gələn ucuz telefon siqnalını tutmağa çalışırlar.

"Bunlar sadəcə öz yaxınlarına zəng etmək istəyən insanlardır", - deyə fotoqraf bildirib. Yaxşı həyata can atan minlərlə afrikalı bu yolla Avropaya və Yaxın Şərqə getməyə çalışırlar, yüzlərlə insan yolda ölür.