“Neft Daşları” yatağındakı 418A nömrəli estakadayanı meydançadan 2631 nömrəli quyuda qazma işlərinə başlanılıb.

SOCAR-ın mətbuat xidmətindən AZƏRTAC-a bildirilib ki, “Azneft” İstehsalat Birliyi “Neft Daşları” Neft və Qazçıxarma İdarəsinin (NQÇİ) sifarişi ilə Kompleks Qazma İşləri Tresti tərəfindən Qala lay dəstəsinə qazılan quyunun layihə dərinliyi 1050 metrdir. Quyudan sutkada 10 ton neft hasil olunacağı nəzərdə tutulur.