Qatı duman səbəbindən Tbilisi beynəlxalq hava  limanının fəaliyyətində problemlər yaranıb.
 

APA-nın Gürcüstan bürosunun məlumatına görə, aeroport bir neçə aviareysin qəbulunu ləğv edib.
 

Gecə saatlarında ləğv olunmuş aviareyslər arasında Bakı-Tbilisi və Tehran-Tbilisi aviareysləri də olub. Moskva-Tbilisi reysini həyata keçirən təyyarə isə Kutaisi beynəlxalq hava limanına enib.

Hazırda aeroportun fəaliyyəti tam bərpa olunmaq üzrədir.