Milli Məclisin bu gün keçirilən sessiyasında “Körpələr evlərinə, körpələr evi-uşaq bağçalarına, uşaq bağçalarına, xüsusi uşaq bağçalarına və uşaq evlərinə müddətli vergi güzəştlərinin verilməsi haqqında” qanunun layihəsi qəbul olunub. 

2 maddədən ibarət olan yeni qanun layihəsinə əsasən körpələr evləri, körpələr evi- uşaq bağçaları, xüsusi uşaq bağçaları və uşaq evləri 2014 cü ilin yanvarın 1-dən başlayaraq 10 il müddətinə Vergilər Məcəlləsi ilə müəyyən edilmiş hüquqi şəxslərin mənfəət vergisini və sadələşdirilmiş vergini ödəməkdən azaddırlar. 
Layihə səsə qoyularaq qəbul olunub.