Yanvarın 10-da Türkiyənin Giresun şəhər Bələdiyyə Məclisi millət vəkili, Azərbaycan-Türkiyə Parlamentlərarası Dostluq Qrupunun üzvü Qənirə Paşayevaya Giresunun fəxri vətəndaşlığının verilməsi barədə qərar qəbul edib.

APA-nın verdiyi məlumata görə, bu barədə təşəbbüsün müəllifi Bələdiyyə Məclisinin üzvü Ömer Cinel olub və bələdiyyə sədri Kerim Aksu məsələni iclasın gündəliyinə salıb.

Kerim Aksu Qənirə Paşayevanın "Bir dost ilə sevdim səni, Giresun" başlıqlı yazısından təsirləndiyini, millət vəkilinin bu bölgənin tanıdılması istiqamətində fəaliyyət göstərdiyini bildirib. Səsvermə nəticəsində millət Qənirə Paşayeva Giresunun fəxri vətəndaşı seçilib və o, fəxri vətəndaşlıq fərmanı ilə təltif edilib.

Qeyd edək ki, Giresun Şəki şəhəri ilə qardaşlaşmış şəhərdir.