Miqrasiya Məcəlləsinə edilən dəyişikliyə görə, bundan sonra Azərbaycana gələn əcnəbilərin qeydiyyata düşməsinə 3 gün yox, 10 gün vaxt verilir.

İndiyədək Azərbaycan daxil olan əcnəbilər və vətəndaşlığı olmayan şəxslərin hamısı 3 gün ərzində miqrasiya orqanlarında qeydiyyata düşməli idi. Bu işi görmək otel, mehmanxana, qonaq evinin rəhbərinin üzərinə qoyulurdu. Lakin qonşu ölkələrdə yaşayan azərbaycanlılar da bu qaydanın tətbiqindən əziyyət çəkirdi. Çünki ailəsinin yanına, hansısa məclisə gələn insanlar həmin müddəti keçirir, sonra isə 300-400 manat məbləğində cərimə ödəməli olurdu. Bu məsələ ilə bağlı mətbuatda çox müzakirələr keçirildiyindən, ölkə başçısının təklifi ilə bu qanuna dəyişiklik edilməsi təklifi Milli Məclisə göndərilib. Milli Məclis də bu dəyişikliyi zəruri hesab edərək, müddətin artırılmasına razılıq verib.