Minaaxtaranlar Tbilisidə məktəblərdən birinin ərazisindən qumbara tapıblar. ANS PRESS-in məlumatına görə, əl qumbarası bu gün səhər yerli vaxtla təxminən saat 9:30-da aşkar edilib.

Təhlükəli döyüş sursatını məktəb nəzarətçisi həyətdə tapıb. O hətta məktəb ərazisində şübhəli bir adam gördüyünü də deyib.

Ehtimal olunur ki, qumbaranı da məhz həmin adam qoyub.

Dərhal mətkəbdə dərslər dayandırılıb, içəridəkilər isə təxliyə ediliblər. Hüquq-mühafizə orqanlarının əməkdaşları və minaaxtaranlar çağırılıblar. Tezliklə qumbara məktəbin ərazisindən çıxarılıb.