Tələbələr Tbilisi Dövlət Universitetinin qarşısında etiraz edərək rektor Vladimer Papavanın istefasını tələb ediblər.

"Dalğa TV" xəbər verir ki , çoxlu sayda azərbaycanlı tələbələrin də təhsil aldığı Ivane Javakhishvili adnına Tbilisi Dövlət Universitetidə etirazçıların sözlərinə görə universitetdə bir çox problemlər var və Papava onları həll etmək iqtidarında deyil. Onların bürokratik əngəlləri universitetin sürətlə inkişafına mane olur.

 

"Bürokratik əngəllərlə yanaşı, infrastruktur problemləri və ixtisassız müəllimlər var", tələbələr deyib.

 

Etirazçılar qeyd edib ki, onların tələbləri 22:00-a qədər yerinə yetirilməsə, onlar aclıq aksiyasına başlayacaqlar.

 

Eyni zamanda, universitet rəhbərliyi tələbələr ilə hər cür sağlam ünsiyyətə hazır olduqlarını bildirib.