Bakıda faciəli şəkildə ölən gəncin Texniki universitetin deyil, Memarlıq və İnşaat Universitetinin tələbəsi olduğu məlum olub.

Texniki universitetin mətbuat xidmətinin tələbəsi Nicat Abdullayev Oxu.Az-a açıqlamasında bildirib ki, Mehdiyev Samir Azi oğlu Texniki universitetin tələbəsi deyil:

“Bizim sistemdə nə məzunlar, nə kəsilənlər, nə də hazırda təhsil alanlar arasında o adda tələbə yoxdur. Bir də onu qeyd etmək istəyirəm ki, son 6 ayda bizim universitetin rəhmətə gedən tələbəsi olmayıb”.

Memarlıq və İnşaat Universitetinin Mətbuat xidmətinin rəhbəri Nəcibə Mirzəyeva bildirib ki, Mehdiyev Samir Azi oğlu universitetin 205 a8-ci qrupunda təhsil alırmış. Samir Mehdiyev döyülmə deyil, avtomobil vurması nəticəsində dünyasını dəyişib.

Faktla bağlı araşdırma aparılır.

Qeyd edək ki, S.Mehdiyevin Azərbaycan Texniki Universitetinin tələbəsi olduğu bildirilirdi.