Dünyanın ən məşhur müsabiqələrindən biri olan “Miss World-2013” yarışmasının qalibi Filippinli gözəl Meqan Yanq seçilib. 

İndoneziyada baş tutan müsabiqədə 130 ölkədən qızlar iştirak edib. Top-10-luqda Qana, Yamayka, İspaniya, İndoneziya, İngiltərə, Nepal, Fransa, Avstraliya, Braziliya və Filippin nümayəndələri qərarlaşıblar. Final turunda isə top-5 bəlli olub (Fransa, Filippin, Qana, Braziliya və İspaniya). Beləliklə, baş tutan yarışmada birinci yerin Filippin, ikinci yerin Fransa, üçüncü yerin sahibi isə Qana Respublikasının nümayəndəsi olub. 

Ənənəyə əsasən yarışmanın qalibinə tacı keçən il “Miss World-2013”ün qalibi Yaponiya gözəli təqdim edib.

Qeyd edək ki, Filippinli dünya gözəli Meqan Yanq ABŞ-da dünyaya gəlsə də uşaqlıqdan Filippində yaşayıb. 

Xatırladaq ki, 180-dən çox ölkədə canlı yayımlanan müsabiqənin İndoneziyada keçirlməsi yerli müsəlmanların etirazlarına səbəb olmuşdu. Elə bu səbəbdən də ilk dəfə olaraq iştirakçılar kupalnikdə ənənəvi çıxışlarını etməyiblər. Böyük Britaniyanın və ABŞ-ın İndoneziyadakı səfirlikləri tərəfindən ölkədə gözəllərin təhlükəsizliyini qorumaq üçün müsabiqəyə 700-dən çox polis əməkdaşı cəz edib.