Voronejdə azərbaycanlıların iştirakı ilə ölümlə nəticələnən kütləvi dava olub. insident soydaşlarımıza məxsus “Praqa” restoranının qarşısında baş verib. 

Məlumatlara görə, azərbaycanlılar ruslardan ibarət iki qrup arasında münaqişəyə qarışıb. Ayri-ayrı masalarda oturan gənclər arasında davaya səbəb ofisiant xanımın siqaret çəkməməklə bağlı xahişi olub. 5 azərbaycanlı ruslardan ibarət qruplardan birinin tərəfini saxlayaraq mübahisəyə qoşulub. Daha sonra mübahisə böyüyərək davaya çevrilib. 10 nəfərin iştirak etdiyi davaya daha 10 nəfər kənardan tamaşa edib. 

20-32 yaşlı 6 nəfər baçaq yarası alıb. 19 yaşlı gənc reanimasiyada vəfat edib, biri azərbaycanlı olmaqla daha iki nəfər vəziyyəti ağırdır. Bıçaq yarası alan 2 rusun vəziyyəti isə stabildir. 

Hadisə ilə əlaqədər iki Azərbaycan vətəndaşı biçaqla xəsarət yetirməkdə şübhəli bilinir. 

Araşdırma zamanı davaya qarışan 5 azərbaycanlınını heç birinin Rusiyada yaşamaq və işləmək üçün sənədinin olmadığı üzə çıxıb.