UDAR Partiyasının lideri Vitali Kliçko ötən gün Kiyevə səfərə gəlmiş ABŞ senatoru Con Makkeynlə görüşüb.

Partiyanın mətbuat xidmətinin məlumatına görə, senatorla görüş zamanı Kliçko Ukraynanın mühüm tarixi məqam yaşadığını qeyd edib. Onun sözlərinə görə, bu məqam ölkənin demokratiya və ya diktatura istiqamətində inkişafını  şərtləndirəcək. “Məhz indiki zamanda xalqa Ukraynanın xaricdəki dostlarının tam dəstəyi gərəkdir”, deyə Kliçko qeyd edib.   

Görüşdə “Batkivşina” fraksiyasının lideri Arseniy Yatsenyuk və “Azadlıq” partiyasının rəhbəri Oleq Tyaqnibok iştirak ediblər.