Beyin xərçəngi olan və Amerikada müalicə alan müğənni və teleaparıcı Janna Friske gəzə bilmir.

Dalgatv-nin Anspress.com-a istinadən verdiyi xəbərə görə, Janna Friskenin atası Vladimir bildirib ki, Janna artıq ayağa dura bilmir. Vladimir qızının səhhətində problemlərin ana olduqdan sonra başladığını deyib: "Janna oğlu Platonu dünyaya gətirəndən bəri miqrendən əziyyət çəkir. Mən Jannanın xəstəliyindən 7 aydır xəbərdaram. Mənə Amerikadan zəng vurdular və qızımın problemi olduğunu dedilər. Janna əvvəllər nə baş verdiyini anlamırdı. Onda olan ağrıları adi baş ağrıları olduğunu düşünürdü. Bütün problemlər doğuşdan sonra başladı. Doğuşa qədər qızımın heç bir şikayəti olmayıb".