"Daşkənd" Seysmoloji Stansiyasının yaydığı məlumata görə, yerli vaxtla saat 14.10-da Özbəkistan ərazisində 5,5 bal gücündə zəlzələ olub.

Qazaxıstan, Qırğızıstan və Tacikistanda da 5-6 bal gücündə zəlzələnin baş verdiyi bildirilir.

Zəlzələnin episentri Əfqanıstanın Hindquş dağlarında olub. Burada 7,7 bal gücündə yeraltı təkan qeydə alınıb.

Pakistanın İslamabad, Laxor, Ravalpindi, Peşavar və digər şəhərlərində də 7 bal gücündə zəlzələ baş verib. İlkin məlumata görə Pakistanda on nəfərin həlak olduğu bildirilir, yaralananlar var.