11-ci prezident Abdullah Gül Twitter hesabından Ədalət və İnkişaf Partiyasını (AKP) noyabrın 1-də keçirilən təkrar parlament seçkilərində qazandığı uğura görə təbrik edib.

"DalğaTV"nin Türkiyə mediasına istinadən verdiyi xəbərə görə, keçmiş prezident Twitter ünvanından bu mesajları paylaşıb:
"AKP-ni bu böyük müvəffəqiyyətdən ötəri təbrik edirəm. Seçkinin nəticələri millətimizə və ölkəmizə xeyirli olsun. Bu nəticənin ölkəmizdə dinclik və sabitliyin təsisi üçün əhəmiyyətli bir fürsət olduğuna inanıram. Parlamentə və qurulacaq yeni hökumətə, məmləkətə xidmət yolunda böyük vəzifə düşür. Yeni AKP dövründə əhatə edici və uzlaşdırıcı bir üslubla Türkiyəni daha irəliyə daşıyacaq bir islahat və inkişaf müddətinin başladılmasını xahiş edirəm".