Hindistanın almaz kralı adlandırılan Svji Dholakia 1700-ə yaxın əməkdaşını mükafatlandırıb.

“Qafqazinfo” xarici KİV-ə istinadən xəbər verir ki, milyarder işçilərinə 1260 avtomobil və 400 ev hədiyyə edib. Onun  hədiyyələrə ümumilikdə 7.7 milyon dollar xərclədiyi güman edilir.

Mükafatlandırma mərasimində milyarder “Heçnə işçilərinizdən daha dəyərli deyil. Onları xoşbəxt görəndə duyduğum hissləri təsvir etmək qeyri-mümkündür. Əməkdaşlarınızı xoşbəxt etsəniz, Tanrı da sizin səadətinizi daimi edər”,- deyə bildirib.

Qeyd edək ki, Dholakia iki il əvvəl də 1100 işçisinə 200 mənzil, 400 avtomobil və 500 bahalı zinət əşyası hədiyyə verib.

Bu gün Moldovada prezident seçkiləri keçirilir

AZƏRTAC “lemonde.fr” saytına istinadla bildirir ki, bu, Moldovada 1997-ci ildən bəri ümumxalq səsverməsi ilə keçirilən ilk prezident seçkilərdir. Bundan əvvəl prezident parlament tərəfindən seçilirdi.

Prezident postu uğrunda 9 namizəd mübarizə aparır. Əsas mübarizə Rusiya ilə yaxınlaşma və Avropaya inteqrasiya tərəfdarları arasında gedir. Rusiya ilə yaxınlaşma tərəfdarı olan namizədlərdən sosialist İqor Dodon və Avropaya inteqrasiya tərəfdarı olan Fəaliyyət və Həmrəylik Partiyasının lideri Mayya Sandu əsas favoritlərdən hesab edilir.