ABŞ-da yaşayan islamçı müxalifətçi Fətullah Gülən bəyan edib ki, avtoritar rejim tərəfdarı deyil. “Türkiyədə demokratiya var, ya yoxdur” sualına isə cavabında deyib ki, bunu türk xalqı özü müəyyən etməlidir. 

Fətullah Gülən belə bəyanatla brifinqdə çıxış edib.

“Mən dəfələrlə demişəm ki, respublikaçılar tərəfdarıyam və avtoritar idarəetmənin əleyhinəyəm. Mən Türkiyədə demokratiya olub-olmadığı haqda qərar verməyi türk xalqının ixtiyarına buraxıram”, - o, vurğulayıb.

Fətullah Gülən uzun müddətdir ABŞ-da yaşadığını və iki ildir faktiki evdən çıxmadığını, heç kimlə ünsiyyətdə olmadığını qeyd edib: “Mənim üçün azadlıq anlayşı çox vacibdir, ona görə ki, azadlıq – bu insanlıqdır”.

Türkiyə hakimiyyəti əmindir ki, dövlət çevrilişinə cəhdin ilhamvericisi Fətullah Gülənlə bağlı olan “Hizmət” islamçı hərəkatıdır.

Türkiyədə hərbi çevriliş cəhdinin uğursuzluğunu şərtləndirən əsas detal açıqlanıb.

Türkiyədə hökumətə yaxınlığı ilə seçilən jurnalist Abdulkadir Selvi “Çevriliş gecəsinin qədər anları” başlıqlı məqaləsində yazıb ki, hərbi çevriliş cəhdinin qədərini müəyyənləşdirən an Marmarisdə oteldə olan Türkiyə prezidenti Rəcəb Tayyib Ərdoğanla Birinci Ordu komandanı ordu generalı Ümit Dündar arasındakı telefon görüşündə yaşanıb.

Birinci Ordu komandanı Ü. Dündar R. T. Ərdoğanı telefonla arayıb, qanuni seçilmiş prezident olaraq Türkiyə prezidentinə sadiq olduğunu bəyan edib. General R. T. Ərdoğana Ankaraya getməməyi məsləhət görüb, İstanbula gəlməyi, İstanbulda onu qoruya biləcəyini bildirib. Eyni zamanda qaldığı oteli ən qısa müddətdə tərk etməsini istəyib. Türkiyə prezidenti R. T. Ərdoğan oteli tərk etdikdən 62 dəqiqə sonra da bu otelə xüsusi təyinatlıların hücumu olub, köməkçisi girov götürülüb.

Türkiyə prezidentinin İstanbulda aeroportda telekanallar vasitəsi ilə müraciət edərək xalqı meydanlara səsləməsi isə növbəti həlledici məqam olub. Yazıda çevriliş planının əsas müəllifinin EDOP komandanı Metin İyidli olduğu, planın hazırlanmasında bir müddət əvvəl Baş Qərargah rəisinin müşaviri vəzifəsindən azad edilmiş polkovnik Muharrem Kosenin də iştirak etdiyinin üzə çıxdığı qeyd edilib. Hərbi çevriliş planının həyata keçirilməsində lider funksiyasını isə Hərbi Hava Qüvvələrinin sabiq komandiri, ordu generalı, Ali Hərbi Şuranın üzvü olan ordu generalı Akın Öztürkün olduğu çevrilişə cəhd gecəsinin səhəri üzə çıxıb. A. Öztürk gecə boyu Ankara yaxınlığındakı Akıncılar Hərbi Hava Bazasında olub. Bu hərbi bazada yerləşən 141-ci hava qüvvələri birləşməsinin komandiri A. Öztürkün kürəkəni polkovnik Hakan Karakuş olub. Hərbi çevriliş planının uğursuzluğa düçar olduğunu görən və səhər qaçmaq üçün vertolyota minməyə çalışan A. Öztür açılan atəş nəticəsində yaralanıb, daha sonra isə həbs edilib.

Məqalədə o da qeyd edilib ki, hərbi çevriliş planı əvvəlcə mayın 4-ə planlaşdırılıb, lakin M. Kösenin Baş Qərargah rəisinin müşaviri vəzifəsindən azad edilməsindən sonra iyunun 15-ə təxirə salınıb.