სირიის პრეზიდენტმა ბაშარ ასადმა სახელმწიფო ტელევიზიის მეშვეობით ბოლო დღეებში ამ ქვეყანაზე თავდასხმის მცდელობებს გამოეხმაურა.
ასადის სირიის სახელმწიფო ტელევიზიით წაკითხულ განაცხადში წერია, რომ თუ მის ქვეყანას რამენაირად თავს დაესხმევიან, სირია თავს დაიცავს: "განსაკუთრებით აღვნიშნავ, რომ სირია ნებისმიერ თავდასხმას პასუხს გასცემს და თავს ბოლომდე დაიცავს".
ასადმა განაცხადა, რომ ისრაელსა და დასავლურ ქვეყნებს სირიის სახელმწიფოს განადგურება სურთ და სირიელების ბრძოლა სწორედ ამის საწინააღმდეგოდაა. შეგახსენებთ, რომ აშშ-მა სირიის პრეზიდენტის მიერ ქიმიური იარაღის გამოყენების ამბავი გაავრცელა. ნატოც ფიქრობს, ასადის რეჟიმში ჩაერიოს, მაგრამ გაეროს განცხადებაში სირიის მთავრობის მიერ ქიმიური იარაღის გამოყენების ფაქტი არ დასტურდება.

რამდენიმე დღის წინ რესპუბლიკის პერენეტალურ ცენტრში დაბადებული სამი ტყუპიდან ერთი გარდაიცვალა.
ილჰამე გულიევას სამი ვაჟიდან ერთ-ერთის სიკვდილის მიზეზი ბავშვის წონის ნაკლებობაა.
ექიმმა ვაფა ბაბაევამ, რომელმაც ოპერაცია ჩაატარა, განაცხადა, რომ მის სამედიცინო გამოცდილებაში სამი ტყუპის დაბადება პირველი შემთხვევა არაა: "რამდენიმე დღის წინ კიდევ ერთმა ქალმა, სახელად ილჰამე სამი ტყუპი გააჩინა.მისი სამივე ბავშვის მდგომარეობა ნორმალურია".
ჯერჯერობით ბავშვები და ილჰამე გულიევა არ გამოიწერებიან და ამის მიზეზად ექიმმა დედის ორგანიზმში გრიპის სიმპტომები დაასახელა. ამასობაში კი ილჰამე გულიევამ და მისმა მეუღლემ ილჰამ გულიევმა ქვეყნის პირველ ლედის, ჰეიდარ ალიევის ფონდის პრეზიდენტს მეჰრიბან ალიევას მიმართეს.
აღსუს სოფელ ალხასლიში მცხოვრები ოჯახის მიმართვაში აღინიშნება, რომ ოჯახის ფინანსური მდგომარეობა მძიმეა და დაბადებული ჩვილების მოსავლელად დახმარებას ითხოვენ. აღსანიშნავია, რომ მიუხედავად იმისა, რომ ილჰამე და ილჰამ გულიევებმა 2001 წელს იქორწინეს, ეს მათი პირველი შვილებია.