Türkiyə yığması üçün yarışan azərbaycanlı atlet Ramin Quliyev 200 metrə qaçış üzrə Türkiyə rekordunu yeniləyib.

Dalgatv-nin  Apasport.az-a istinadən məlumatına görə, Quliyev Xorvatiyanın paytaxtı Zaqrebdə keçirilən “Dünya Challenge” yarışlarında 200 metr məsafəni 19.88 saniyəyə qaçaraq yeni rekord müəyyənləşdirib.

Həmyerlimiz bu nəticə ilə bu ilin 6-cı, bütün zamanların isə 34-cü ən yaxşı nəticəsini müəyyənləşdirib.

Qeyd edək ki, bundan əvvəlki rekord da həmyerlimizə məxsus idi. O, Pekində keçirilən dünya çempionatında 200 metri 20.01 saniyəyə qaçaraq bundan əvvəlki ən yaxşı nəticəni təyin eləmişdi.

Türkiyənən Adana şəhərində 18 yaşlı qız özünü güllələyib.

ANS PRESS-in məlumatına görə, qızın intihar etməsinə səbəb atasının onu evdə zəncirləməsi olub.

Belə ki, 18 yaşlı S.Y. atası və anası evdə olmadığı vaxt sevgilisini evə çağırıb. Onlar tək olduqları vaxt qızın atası pul kisəsini unutduğu üçün işdən evə qayıdıb. Qapını açan ata qızını yad oğlanla birlikdə tutub.

Qızın sevgilisi evdən qaçıb. Qəzəblənən ata qızını döyüb. O, qıza cəza olaraq evdən çıxmamağı tapşırıb.

“Bir daha məktəbə getməyəcəksən. Mənim icazəm olmadan evdən çıxmayacaqsan”, - deyən ata bidirib.

Kişi işə gedən zaman qızını evdə 9 metrlik zəncirlə bağlayırmış.

Ev dustaqlığından bezən gənc qız atasının silahını götürərək özünü güllələyib. Hadisə qızın anası bazara gedən zaman baş verib.

Ana evə qayıdıb qapını açanda qızını yerdə qan içində tapıb.

Həkim çağırılıb. Müəyyən edilib ki, S.Y. tapança ilə sinəsindən bir dəfə atəş açıb.

Qızı ağır vəziyyətdə xəstəxanaya yerləşdiriblər.

Ata ifadə vermək üçün polis şöbəsinə çağırılıb.