აშშ-ს პრეზიდენტმა ბარაკ ობამამ ორშაბათს მუსლიმანებს რამაზანის წმინდა თვის დაწყება მიულოცა.
"1.5 მუსულმანისთვის რამაზანი ღრმა აზროვნების, რწმენისა და აღმსარებლობის დროა. ეს აგრეთვე ოჯახებისთვის და მეგობრებისთვის ერთად შეკრებისა და სხვადასხვა რელიგიის ადამიანებში სამართლიანობის, თანასწორობისა და ერთმანეთისთვის თანაგრძნობის პრინციპების რეალიზების გამაერთიანებელი შესაძლებლობაა. ეს ურთიერთობები ხშირად ჩვენს განსხვავებულობაზე უფრო ძლიერია", - განაცხადა ობამამ.
მისი თქმით, ამერიკის მუსლიმები ქვეყნის განვითარებას ხელს უწყობენ, ხელისუფლების, მეცნიერების, ბიზნესისა და საქველმოქმედო სფეროებში მუშაობენ.
აშშ-ში 2.6 მილიონი მუსულმანი ცხოვრობს (მოსახლეობის 1%-ზე ნაკლები)

23-დღიანი შესვენების შემდეგ დღეს გახსნილი გეზის პარკი საღამოს საათების შემდეგ ისევ დაიხურა. პოლიციასა და იმ პირებს შორის, რომლებიც პარკში ვერ შედიოდნენ, შეტაკება მოხდა.
თურქეთის მედიის თქმით, გახსნის შემდეგ პარკში სეირნობა მხოლოდ რამდენიმე საათის განმავლობაში იყო შესაძლებელი. საღამოს საათებში კი პარკის სიახლოვეს ბევრი პოლიციელი იყო მობილიზებული.
იმის გამო, რომ პოლიცია ხალხს პარკში არ უშვებდა, დაპირისპირება მოხდა. ცნობილია, რომ პოლიცია ძალას ხმარობდა. რატომ დაიხურა პარკი გახსნის ცერემონიის შემდეგ, ჯერჯერობით უცნობია.