გერმანული ბანკის თანამშრომელს, რომელიც გადარიცხვებს აწარმოებდა, კლავიატურაზე იმ მომენტში ჩაეძინა, როცა პენსიონერის ანგარიშზე თანხის გადარიცხვას აწარმოებდა.

მას უნდა დაეფიქსირებინა 62.40 ევრო, მაგრამ ციფრზე "2" ჩათვლიმა, შედეგად 222 მილიონი ევროს გადარიცხვა შეასრულა.

შეცდომა ძალიან მალე იქნა აღმოჩენილი, ხოლო დამნაშავე სამსახურიდან გათავისუფლებული. მიუხედავად ამისა, ყოფილი თანამშრომელი არ დაეთანხმა ბანკის ხელმძღვანელობას და მათი გადაწყვეტილება სასამართლოში გაასაჩივრა. სასამართლოს დადგენილებით, თანამშრომელი აღდგენილი უნდა იქნას ყოფილ თანამდებობაზე.

ბრიტანეთის ხაზინის კანცლერ ჯორჯ ოსბორნის კატა ეჭვმიტანილია ჯაშუშობაში. ის ორ წელზე მეტია გაპარული იყო სახლიდან და დაბრუნების შემდეგ საეჭვო მარშრუტებით დაბორიალობს.

კატა, სახელად ”ფრეია”, გაქრა 2009 წელს, მაგრამ შარშან ის იპოვეს კანქვეშა მიკროჩიპის მეშვეობით, რომელზეც დატანილი იყო ოსბორნის მეუღლის ტელეფონის ნომერი. როგორც ბრიტანელი მოხელეები თვლიან, გარე-გარე სიარულში კატა შეეძლოთ დაეჭირათ ჩინელ ჯაშუშებს და დაემონტაჟებინათ მის სხეულზე სხვა ელექტრონული მოწყობილობანი. ”თქვენ რომ გამოგაყენებინათ კატა მოსმენებისთვის, მთავრობის ნახევარ საიდუმლოებებს გაიგებდით” - გაენდო ”Daily Mail”-ს კონსერვატიული პარტიის წარმომადგენელი.

ფრეია უკვე შემჩნეულია საგარეო საქმეთა სამინისტროს საიდუმლო ზონაში, დაუკავებიათ სახაზინო განყოფილებებში შეძრომის მცდელობისას, უყვარს ყოფნა მთავრობის წევრებში პოპულარულ ბარ ” The Red Lion”-ში და ტრაფალგარის მოედანთან მდებარე თეატრში.

ასე რომ, ეჭვებისათვის მიზეზები საკმარისზე მეტია.