Bakı Ağır Cinayətlər Məhkəməsində “Əsgəroğlu-K” MMC-nin dələduzluqda təqsirləndirilən direktoru Kazım Kazımov, şirkətin satış meneceri Yaqub Kiyasov və mühasib Olqa Polkovanın cinayət işi üzrə məhkəmə prosesi başa çatıb.

APA-nın məlumatına görə, prosesdə hökm oxunub. Hökmə əsasən, K.Kazımov 12 il, Y.Kiyasov 10 il, O.Polkova isə 9 il müddətinə azadlıqdan məhrum edilib.

Kazım Ələsgər oğlu Kazımov Cinayət Məcəlləsinin 178.3.2-ci (dələduzluq - külli miqdarda ziyan vurmaqla törədildikdə) və 178.2.4-cü (dələduzluq - xeyli miqdarda ziyan vurmaqla törədildikdə) maddələri ilə təqsirli bilinib. Bakı şəhərində tikinti işləri ilə məşğul olan K.Kazımov vətəndaşlara külli miqdarda ziyan vurmaqda, bir mənzili bir neçə nəfərə sataraq, dələduzluq əməlləri törətməkdə ittiham olunub.

Qeyd edək ki, təqsirləndirilən şəxslərin barəsində bundan əvvəl digər cinayət işi də mövcud olub. Həmin cinayət işi üzrə K.Kazımov 10 il, Y.Kiyasov 9 il müddətinə azadlıqdan məhrum edilib. Azadlıqda olan O.Polkova isə məhkəmə zalında həbs olunaraq 7 il müddətinə azadlıqdan məhrum edilib. Bu gün hökm oxunan zaman onların azadlıqdan məhrumetmə illəri toplanılaraq barələrində yeni hökm çıxarılıb.

K.Kazımov xalq artisti Aygün Kazımovanın qardaşdır.

Rusiyanın tanınmış rep ifaçısı Timati ilin selfisini çəkdirib. ANS PRESS-in məlumatına görə, dövlət rəsmiləri və məşhurlar Soçidə keçirilən "Formula 1"in təsnifat mərhələsi yarışlarını izləmək üçün bu şəhərə gəliblər. Ölkə prezidenti Vladimir Putin və baş nazir Dmitri Medvedev də bu tədbirə qatılanlardan olublar.

Repper Timati isə ancaq yarışı izləməklə kifayətlənməyib. O, həm də ilin selfisini çəkib. Timati ilə birlikdə fotoda ölkənin lideri Putin və Medvedev də yer alıb.

Sosial şəbəyə yerləşdirilən foto qısa zamanda rekord vurub. Belə ki, 3 saata fotonu 120 000 insan bəyənib. Timati isə dövlət başçıları ilə fotolarına görə, məşhur olub. Belə ki, bundan öncə o "qardaşım" adlandırdığı Ramzan Kadırovla fotosunu paylaşmışdı.