როგორც ცნობილია, 2 მაისს დედაქალაქის ნარიმანოვის რაიონის ტერიტორიაზე მოკლული გერმანიის მოქალაქე ვუსალ შილდერის მკვლელობაში ბრალდებული ხაიალ ალიზადე გაერთიანებულ არაბულ ემირატებში დააკავეს და ამჟამად მისი აზერბაიჯანში ექსტრადიციის საკითხი განიხილება.
გერმანიის მოქალაქის მკვლელის სავარაუდო დამკვეთის ალიზადეს შესახებ საინტერესო ინფორმაცია გავრცელდა. ცნობილია, რომ პრეზიდენტის ადმინისტრაციაში მომუშავე ტარიელ აღაევის სიძე ხაიალ ალიზადე კარადაღის რაიონის პოლიციის დეპარტამენტის საზოგადოებრივი უსაფრთხოების განყოფილების უფროსი იყო. ალიზადე პოლკოვნიკ-ლეიტენანტია. მამამისი მაზაჰირ ალიევი კი 1990 წლებში ბაქოს საქალაქო გენერალური პოლიციის დეპარტამენტის უფროსის თანამდებობაზე მუშაობდა. ცნობილია, რომ ის ბოლო დრომდე შინაგან საქმეთა სამინისტროს გენერალური ნარკოტიკების წინააღმდეგ ბრძოლის დეპარტამენტის უფროსის მოადგილის თანამდებობას იკავებდა. აღინიშნება, რომ წოდებით პოლკოვნიკი ალიევი, აგრეთვე ბაქო-სუმგაითის გზაზე რესტორან ნეაპოლის მფლობელია.
კარადაღის რპდ-დან განაცხადეს, რომ ხაიალ ალიზადე მართლაც ამ დეპარტამენტის განყოფილების უფროსი იყო, მაგრამ პირადი პრობლემების გამო ქვეყნის დატოვების მიზნით სამსახურიდან გათავისუფლდა. ხელთ არსებული ინფორმაციის თანახმად, მიუხედავად იმისა, რომ ხაიალ ალიზადე კარადაღის რპდ-ში ოფიციალურად განყოფილების უფროსის თანამდებობაზე მუშაობდა, სამსახურში თვეობით არ მოდიოდა. ცნობილია, რომ ის ოჯახთან ერთად დუბაიში ცხოვრობს.
შეგახსენებთ, რომ ვუსალ შილდერის დედამ მეთანეთმაც მისი ვაჟის მკვლელობას ალიზადეს აბრალებს, ამავდროულად მის დუბაითან კავშირსაც შეეხო. გავითვალისწინოთ ისიც, რომ ოჯახური კონფლიქტის დროს მომხდარ დანაშაულში აქამდე ეჭვმიტანილად შაბრანის რაიონის მკვიდრი, აქამდე ორჯერ ნასამართლევი ელმან ისკანდაროვი, აღდაშის რაიონის მკვიდრი რუფათ ზაქიროვი, აგრეთვე აბშერონის რაიონის მკვიდრი სეიმურ თალიბოვი დააკავეს.
აღსანიშნავია, რომ გერმანიის მოქალაქე 1992 წელს დაბადებული შილდერ ვუსალი ადოლფის ძე 2 მაისს დედაქალაქის ნარიმანოვის რაიონის ტერიტორიაზე საცხოვრებელი ბინის მახლობლად დანით დაჭრეს, საავადმყოფოში მიყვანამდე გარდაიცვალა.
ღმერთმა ნათელში ამყოფოს. დამნაშავეების მალე დასჯის იმედით მის ოჯახს მოთმინებას ვუსურვებთ.

აზერბაიჯანში ბავშვთა უფლებები საერთაშორისო კონვენციებით, საოჯახო კოდექსით, "ბავშვის უფლებების შესახებ" კანონით და სხვა ნორმატიული იურიდიული აქტებითაა დაცული.
ოჯახში ბავშვების უფლებების შესახებ მოსაუბრე ბაქოს იურიდიული ცენტრის (ბიც) იურიდიული კომპანიის იურიდიულმა მრჩეველმა ვასიფ ჰასანოვმა აღნიშნა, რომ საერთაშორისო კონვენიებიც, ასევე აზერბაიჯანის კანონმდებლობით 18 წლამდე (მცირეწლოვანი) და პირები, რომლებსაც სრული აქტიურობა არ შეუძლიათ, ბავშვად ითვლებიან.
ყველა ბავშვს აქვს უფლება, ოჯახში იცხოვროს და აღიზარდოს, საკუთარ მშობლებს იცნობდეს და მათი მზრუნველობა მიიღოს, ბავშვის ინტერესების წინააღმდეგობის გამორიცხვით მათთან ერთად იცხოვროს. ბავშვს აქვს უფლება, მშობლების მიერ აღიზარდოს, ყველანაირად განვითარდეს, მის ღირსებას პატივი სცენ.
მშობლების განქორწინება, მშობლების ცალკ-ცალკე ცხოვრება ბავშვის უფლებებზე გავლენას არ უნდა ახდენდეს. მშობლების განქორწინების შემთხვევაში, ბავშვს ორივესთან ყოფნის უფლება აქვს. საოჯახო კოდექსის თანახმად, ყველა ბავშვს აქვს უფლება, მშობლებთან, ბებია-ბაბუებთან, და-ძმებთან და სხვა ნათესავებთან ურთიერთობა ჰქონდეს. მშობლების სხვადასხვა ქვეყნებში ცხოვრების შემთხვევაშიც, ბავშვს მშობლებთან ურთიერთობის უფლება აქვს. ბავშვს ექსტრემალურ შემთხვევებში (დაკავებისას, პატიმრობისას, სამკურნალო დაწესებულებებში განთავსებისას და სხვ.) კანონმდებლობით განსაზღვრული წესით მშობლებთან და ნათესავებთან ურთიერთობის უფლება აქვს.
ადვოკატის თქმით, როცა ბავშვს მშობლები არ ჰყავს, მათი მშობლების უფლებების დაკარგვისას ან ბავშვის მშობლების პატრონაჟის დაკარგვის შემთხვევაში, მისი ოჯახში აღზრდა შესაბამისი მუნიციპალიტეტის მიერ უნდა იყოს უზრუნველყოფილი.
ბავშვის უფლებების და კანონიერი ინტერესების დაცვა მშობლების (მათი შემცვლელი პირების), შესაბამისი მუნიციპალიტეტის და სასამართლოს მიერ ხორციელდება. კანონმდებლობის შესაბამისად, სრულწლოვნების მიღწევამდე სრული აქტიურობის შესაძლებლობის მქონე პირებს თავიანთი უფლებების და მოვალეობების, მათ შორის დაცვის უფლებების განხორციელება დამოუკიდებლად შეუძლიათ.
ჰასანოვმა აღნიშნა, რომ კანონმდებლობა ბავშვებს უფლებების და ინტერესების დარღვევის შემთხვევებში უფლებას აძლევს, სასამართლოს მიმართონ. ბავშვის უფლებების და კანონიერი ინტერესების დარღვევის შემთხვევებში, მათ შორის მშობლების (ერთ-ერთი მათგანის) ბავშვის განათლების, აღზრდის ვალდებულებების შეუსრულებლობის ან მშობლიური უფლებების ბოროტად გამოყენების შემთხვევაში, ბავშვს საკუთარი უფლებების დასაცავად შესაბამის აღმასრულებელ ხელისუფლებას, 14 წლის ასაკის მიღწევისას კი სასამართლოს მიმართოს.