İŞİD terrorçu qruplaşması Suriyanın Türkiyə ilə sərhəd Kobani şəhərinə yaxınlaşır.

ANS PRESS-in məlumatına görə, Türkiyə parlamenti İŞİD-ə qarşı hərbi tədbirlərin görülüb-görülməməsinə dair səsvermə keçirir.

Böyük Britaniyada qərərgahlanan Suriya İnsan Haqlarının Müşahidəsi qrupu bildirib ki, kürd döyüşçülər Ayn Əl-Arab adı ilə də tanınan şəhərin 100 metrliyində İŞİD yaraqlılarına qarşı döyüşür.

Türkiyə hökuməti qanunvericilərdən qonşu Suriya və İraqda terrorçu qruplara qarşı hərbi qüvvələrdən istifadəyə icazə vermələrini istəyib.

Sentyabrın ortalarında İŞİD-in hücumlarının Kobani ərazisində intensivləşməsindən bəri 160 mindən çox qaçqın sərhədi aşaraq Türkiyəyə keçib.
Suriyada vətəndaş müharibəsi başlayandan bəri bir milyondan çox insan Türkiyəyə pənah aparıb.

Britaniyadakı insan haqları üzrə Monitorinq Qrupu Suriyanın şimali kürd əyalətində daha 7 kişi və 3 qadının başını kəsərək edam elədiyi haqda xəbər yayıb.

Musavat.com-un xarici KİV-ə istinadən verdiyi məlumata görə, İngiltərədə mənzillənən Suriya İnsan Haqları Rəsədxanasının başçısı Rami Abduraxmanın sözlərinə görə, sentyabrın 30-da üçü qadın olmaqla 5 kürd silahlısı, həmçinin 4 Suriya qiyamçısı saxlanılıb. Az sonra İŞİD-in ələ keçirdiyi Kobani şəhəri yaxınlığında onların başları kəsilib.

“Mən bilmirəm onları niyə saxlayıb və niyə edam ediblər. Yəqin ki, yalnız İŞİD yaraqlıları bilir, niyə görə. Onların məqsədi odur ki, bizi qorxutsunlar” - əlavə edib Abdulrəhman.