Türkiyə prezidenti Rəcəb Tayyib Ərdoğanın Birləşmiş Millətlər Təşkilatının 69-cu Baş Assambleyasındakı çıxışı yaddaqalan olub.

ANS TV-nin məlumatına görə, Ərdoğan çıxışı zamanı dünyanın İŞİD yükündən tutmuş bir çox beynəlxalq məsələlərə toxunub. Qəribədir ki, bəzi qərbli diplomatlar Ərdoğan danışan zaman zalı tərk də ediblər. Bunun səbəbləri hələlik detalları ilə bəlli deyil. Amma ehtimal olunur ki, Ərdoğanın Anti- BMT çıxışı buna səbəb olub. Türkiyə Prezidenti dünyanın ən yüksək tribunasından danışarkən Azərbaycanı da unutmayıb.

“Müasir dünyada nümayiş olunan ikili standartlar bəşəriyyətin beynəlxalq qurumlara etibarını sarsıdır. Bu gün üzləşdiyimiz “qlobal terror” təhlükəsinin səbəblərindən biri də bu etibarsızlıqdır. Zülmə məruz qalan insanların rastlaşdığı ikiüzlülük, uşaqların qətlə yetirilməsinə qarşı nümayiş olan laqeydlik bütün dünyada terrora şərait yaradır. Birləşmiş Millətlər Təşkilatından ümidlərini üzənlər çarəsiz şəkildə terrorun tələsinə düşürlər. Kiprdə həll yolunu ən çox arzulayan və həll yollarını axtarmaq üçün əlindən gələni edən, Azərbaycan torpaqlarındakı işğalın bir an əvvəl sona çatmasını müdafiə edən, Ukrayna başda olmaqla böhrandan əziyyət çəkən bölgələrdə ərazi bütövlüyünü ən güclü şəkildə müdafiə edən ölkə Türkiyədir.”

Azərbaycanın “İrəli” və “Qan Donorları Assosiasiyası” ictimai birliklərinin təşkilatçılığı ilə Gürcüstanın Bakuriani şəhərində “Alfa ekstrim Bakuriani” proqramı çərçivəsində idmansevər gənclər üçün qış xizəkçiliyi üzrə təlim keçirilmişdir.
Düşərgə müddətində iştirakçılara “Qan donorçuluğu”, “Sağlam həyat tərzi”, “Ekstremal şəraitdə yaşama üsulları” və s. mövzularda təlimlər keçirilmişdir.
Layihədə 30-dək azərbaycanlı gənc iştirak etmişdir.
Səfərə Gürcüstan azərbaycanlılarının yığcam yaşadıqları Kvemo Kartli-Borçali bölgəsinin Marneuli şəhərindəki “Çay evi”ndə yekun vurulmuşdur.
Qonaqlar burada fəaliyyət göstərən 10-dək dərnəyin işi ilə tanış olmuşlar.
“İrəli” İctimai Birliyinin korporativ əlaqələr üzrə katibi Niyaz Əliyev Bakurianidə ilk dəfə olduğunu və düşərgə iştirakçılarının bu səfərdən razı qaldıqlarını demişdir. O, belə görüşlərin strateji tərəfdaşlar olan ölkələrimizin gəncləri arasında dostluq əlaqələrinin daha da dərinləşməsinə xidmət edəcəyinə əmin olduğunu vurğulamışdır.
Gürcüstan Baş nazirinin milli məsələlər üzrə köməkçisi Savalan Mirzəyev Gürcüstan hökumətinin iki ölkə gənclərinin dostluq əlaqələrinə şərait yaradacaq bütün layihələri dəstəkləməyə daim hazır olduğunu bildirmişdir.
Gürcüstan Baş nazirinin milli məsələlər üzrə köməkçisi Savalan Mirzəyev və “Çay evi”nin meneceri Emin Əhmədov “Gənclərin dostu” mükafatına layiq görülmüşlər.
Mükafatı “İrəli” İctimai Birliyinin korporativ əlaqələr üzrə katibi Niyaz Əliyev təqdim etmişdir.