"მე არ ვფლობ იმ ინფორმაციას, რომ რუსეთი აზერბაიჯანსა და სომხეთს იარაღით უზრუნველყოფს"
ამის შესახებ საქართველოს პრემიერ-მინისტრმა ბიძინა ივანიშვილმა დღეს ჟურნალისტებთან შეხვედრაზე განაცხადა. მან აღნიშნა, რომ საქართველოს იარაღით არ უზრუნველყოფენ: "მე არ ვფლობ იმ ინფორმაციას, რომ რუსეთი აზერბაიჯანსა და სომხეთს იარაღს ყიდის. მე მინდოდა, რომ აზერბაიჯანსა და სომხეთს შორის შუამავალი ვყოფილიყავი. ცუდია, რომ მათ ასეთი ცუდი ურთიერთობა აქვთ".

"მე რუსეთისგან კონკრეტულ და ზუსტ ნაბიჯებს არ ველი".
ამის შესახებ საქართველოს პრემიერ-მინისტრმა ბიძინა ივანიშვილმა ჟურნალისტებს განუცხადა.
"რუსეთთან ურთიერთობების ნორმალიზებისთვის სხვა ნაბიჯებს ვდგამთ, ეს, სავიზო რეჟიმის გამარტივებასა და ავია გაფრენების აღდგენას უკავშირდება. აფხაზეთის რკინიგზა აუცილებლად უნდა აღდგეს. ამას გარკვეული დრო სჭირდება. რასაკვირველია, გზები უნდა გაიხსნას და გაიხსნება კიდევაც. გზების გახსნა აფხაზეთთან ჩვენს ურთიერთობებს უფრო გააუმჯობესებს. ეკონომიკა განვითარდება. ვფიქრობ, რომ ეს საკითხი ძალიან პოლიტიზირებულია. ამ საკითხთან დაკავშირებით აჟიოტაჟი არ უნდა შეიქმნას".