19 ივნისს აშშ-ის პრეზიდენტი ბარაკ ობამა თავისი ქვეყნისა და რუსეთის ბირთვული არსენალის ერთი მესამედით შემცირების ინიციატივით გამოვიდა.

მან აგრეთვე განაცხადა, რომ 2016 წელს ჩრდილოეთ ამერიკაში ამ პრობლემასთან დაკავშირებით სამიტი ჩატარდება.

რუსეთის პრეზიდენტმა ვლადიმერ პუტინმა, თავის მხრივ, განაცხადა, რომ სტრატეგიული შეჩერების სისტემის ბალანსის დარღვევა და რუსეთის ბირთვული ძალების ეფექტურობის შემცირება შეუძლებელია.

ახალი სტრატეგიული თავდასხმითი იარაღის შესახებ ხელშეკრულების თანახმად, მოსკოვმა და ვაშინგტონმა 7 წლის განმავლობაში ბირთვული ქობინების საერთო რაოდენობა 1550-მდე უნდა შეამცირონ.

დღეს, ავღანეთის პრეზიდენტმა ჰამიდ ყარზაიმ განაცხადა, რომ ავღანეთი ყატარიში „თალიბანთან“ მოლაპარაკებების გასამართად ჯგუფს გააგზავნის.

„ავღანეთის მშვიდობის უმაღლესი საბჭო ყატარში „თალიბანთან“ სამშვიდობო მოლაპარაკებებზე იმსჯელებს,“-განაცხადა პრეზიდენტმა.

ამ დრომდე აღნიშნულის შესახებ ავღანეთის „თალიბანს“ კომენტარი არ გაუკეთებია. „როიტერისათვის“ ცნობილი გახდა, რომ ავღანეთის „თალიბანის“ წევრები ყატარში ოფისის გახსნას სამშაბათვის გეგმავდნენ.

ამასთან, წინა  კვირასაც, თალიბანმა ორი თავდახმა მოაწყო ავღანეთში, 10 ივნისს თავდასხმა მოხდა ქაბულის აეოპორტზე,  მეორე დღეს კი უზენაეს სასამართლოსთან აფეთქებას 17 ადამიანი ემსხვერპლა.

აფეთქება მოხდა დღეს ქაბულში პარლამენტის შენობასთან, თუმცა პასუხისმგებლობა აფეთქებაზე ამ დრომდე არცერთ დაჯგუფებას აუღია.