თუ კონტრაქტის დარღვევის გამო საფრანგეთის კლუბი პსჟ 4 მილიონ ევროს მიიღებს, კლუბის მთავარ მწვრთნელს კარლო ანჩელოტის უფლება ექნება, „რეალს“ უხელმძღვანელოს. 53 წლის მწვრთნელმა განაცხადა, რომ იგი მზადაა, ამ თანხის ნახევარი თვითონ გადაიხადოს. დანარჩენ ორ მილიონ ევროს კი მადრიდის „რეალი“ დაფარავს.

მხარეებს მოლაპარაკებების დასრულება ამ კვირის ბოლომდე სურთ. ამ შემთხვევაში ანჩელოტი საკუთარ დაბადების დღეზე, 10 ივნისს საზოგადოების წინაშე „რეალის“ მწვრთნელის სტატუსით წარსდგება.

შეგახსენებთ, რომ ადრე პსჟ-ს სპორტის დირექტორმა ლეონარდომ განაცხადა, რომ კლუბს სურს, ანჩელოტი მთავარი მწვრთნელის პოსტზე შეინარჩუნოს.

დღეს ფეხბურთის „მსოფლიო თასი 2014“-ის შესარჩევი ტურის შემდეგი თამაშები გაიმართა.
F ჯგუფის აზერბაიჯანული ეროვნული გუნდი შესარჩევი ტურის მე-7 მატჩზე გავიდა. ბერტი
ფოგტსის გუნდმა ლუქსემბურგის ნაკრებს უმასპინძლა. ვიზიტისას მოწინააღმდეგესთან 0:0 ფრედ დამთავრებული აზერბაიჯანული გუნდი ამ შეხვედრის მთავარ ფავორიტად ითვლებოდა.
თუმცა აზერბაიჯანმა ამჯერადაც ლუქსემბურგთან ფრედ ითამაშა: 1:1.
აღსანიშნავია, რომ აზერბაიჯანის ნაკრები შესარჩევი ტურის მომდევნო მატჩზე 6 სექტემბერს ისრაელის წინააღმდეგ ითამაშებს.