Türkiyədə iki ailə arasında qız qaçırıldığına görə dava düşüb.

AZNEWS.AZ xəbər verir ki, bu haqda məlumatı İHA agentliyi yayıb.

Hadisə Manisanın Turqutlu bölgəsində qeydə alınıb.

Dava nəticəsində 16 yaşlı Delil Sapan tüfənglə vurularaq öldürülüb, onun atası 50 yaşlı Həmdullah Sapan isə ağır yaralanıb.

İddiaya görə, üç gün əvvəl 19 yaşlı qızı M.S.nin C.A. tərəfindən qaçırıldığına görə Həmdullah Sapan oğlu Delil Sapanla gəncin evinə gedib. Evin qabağında danışmağa başlayan iki ailə arasında mübahisə çıxıb. Mübahisə böyüyərək silahlı davaya çevrilib. Naməlum şəxs Həmdullah Sapanla onun oğlu Delilə güllə atıb.

Təcili tibbi yardım maşını gələnədək Delil hadisə yerində ölüb. Ağır yaralı olan Həmdullah Sapan isə Turqutlu Dövlət Xəstəxanasına qaldırılıb. Onun vəziyyətinin kritik olduğu deyilir.

19 yaşlı qızı qaçıran və davadan sonra aradan çıxan C.A. və onun 2 qohumunun yaxalanması üçün polis axtarışa başlayıb.

Hadisə ilə bağlı istintaq aparılır.

Millət vəkili Qənirə Paşayeva Tovuz rayonunun Əyyublu kəndində 20 yaşlı qızın 4 nəfər həmkəndlisi tərəfindən zorakılığa məruz qalması olayına münasibət bildirib.

Q.Paşayeva AzNews.az-a bildirib ki, baş verən hadisə ilə bağlı adı hallanan şəxslər ona müraciət edib: “O hadisə baş verən zaman ailə qəbuluma da gəlmişdi. Mən onları qəbul edib dinlədim. Bütün fikirlərini söylədilər. Onlar xahiş etdilər ki, mən bir millət vəkili kimi məsələnin obyektiv, ədalətli araşdırılması üçün dəstək göstərim. Onlar istəyirdilər ki, mən bu məsələni nəzarətə götürüm və hüqüq-mühafizə orqanlarına da bu məsələyə ədalətli baxılması üçün müraciət edəm. Mən də öz tərəfimdən hüqüq-mühafizə orqanlarına müraciət etdim. Çünki bu hadisə çox üzücüdür. Hadisəyə Tovuzu təmsil edən millət vəkili kimi deyil, bir qadın kimi ən çox üzülənlərdən biri də mən idim. İstəməzdim ki, belə bir xəbər eşidəm. Ona görə bu məsələ hüqüq-mühafizə orqanlarının diqqətindədir”.

Q.Paşayeva bildirib ki, bu hadisədə kimin əli varsa, onlar öz cəzalarını alacaq və ədalət qarşısında cavab verəcək: “Mənə müraciət etdilər ki, qız intihara cəhd edib. Mən həmin anda xəstəxana ilə danışdım, lazımı dəstəyi göstərsinlər, deyə xahiş etdim. Sonra xəstəxanada olduğu zaman qızın özü ilə də danışdım. Dedim ki, bu məsələ doğru deyil. Bir də belə hadisələr yaşanmasın. Bu kimi xəbərin təkrar yaşanmaması hamımızın istəyi və düşüncəsidir. Kimin günahı varsa o, ədalət qarşısında cavab verəcək, günahı olmayan isə cavab verməyəcək. Ona görə də kimin günahkar olub-olmaması hüqüq-mühafizə orqanlarının araşdırmasından sonra bəlli olacaq”.

Q.Paşayeva əlavə edib ki, baş verən olay həm kəndin, həm də rayonun özündə ciddi şəkildə əks-səda doğuran bir hadisədir.

Qeyd edək ki, Tovuz rayonun Əyyublu kənd sakini, 20 yaşlı qız 4 həmkəndlisi - Kamal Məmmədov, Elməddin Niyazov, Nemət Rzayev və Mürsəl Kərimov tərəfindən cinsi zorakılığa məruz qalıb. Hadisənin şokunda ola qız ayılan kimi intihar etmək istəyib. Bir müddət xəstəxanada yatan qız müalicə olunaraq evə buraxılıb.

Hazırda faktla bağlı cinayət işi açılıb və gənclərin 4-ü də həbs edilib.