Bakının mərkəzində, “Metro Park” ticarət mərkəzinin yaxınlığında intihara cəhd olub. 

Dalgatv  oxu.az-a istinadən xəbər verir ki, 30 yaşlı gənc oğlan qollarının damarlarını kəsərək intihar etmək istəyib. 

Hadisə yerinə dərhal polis əməkdaşları və təcili yardım maşını cəlb olunub. 

İntihara cəhd edən şəxs təcili həkimlər tərəfindən xəstəxanaya aparılıb. 

Hələ ki, həmin şəxsin adı və soyadı açıqlanmayıb. Hadisənin səbəbləri araşdırılır.

Gürcüstanda yeni dərs ilinin başlanması ilə əlaqədar barış və vətəndaş bərabərliyi məsələləri üzrə dövlət naziri Paata Zakareişvili Bolnisi rayonunun Faxralı kəndindəki Arif Əliyev adına 1 saylı orta məktəbə baş çəkib.

APA-nın Gürcüstan bürosunun məlumatına görə, tədbirdə Gürcüstan və Azərbaycanın himnləri səsləndirilib. Sonra dövlət naziri yeni dərs ili münasibətilə müəllimləri və şagirdləri təbrik edib, onlara təhsildə uğurlar arzulayıb: “Ölkəmizdə müxtəlif etnik azlıqların dilində orta məktəblər var və hökumət bu məktəblərin qayğısına qalır. Hökumət milli azlıqların Gürcüstan cəmiyyətinə inteqrasiyası üçün əlindən gələni edir və inanır ki, onlar gələcəkdə gürcü dövlətinin tamhüquqlu vətəndaşları olacaqlar”.

P. Zakareişvili 24 nəfər birinci sinif şagirdinə noutbuk hədiyyə edib. Sonda azərbaycanlı şagirdlər gürcü və Azərbaycan dillərində şeirlər söyləyib, gürcü və Azərbaycan rəqsləri nümayiş olunub.

Tədbirdə Gürcüstanın baş nazirinin müşaviri Savalan Mirzəyev, Bolnisi rayon icra hakimiyyəti başçısı Qoqita Meşveliani, Gürcüstanın barış və vətəndaş bərabərliyi məsələləri üzrə dövlət nazirinin Kvemo-Kartli üzrə müşaviri Zaur Darğallı iştirak ediblər.