ფიფას ხელმძღვანელობამ 2022 წელს კათარში ჩატარებული მსოფლიო ჩემპიონატის ფინალური ეტაპის დაახლოებითი კალენდარი შეადგინა. ამის შესახებ პრესტიჟულმა გერმანულმა ჟურნალმა "Kicker" განაცხადა.
კალენდრის მიხედვით, ტურნირის გახსნითი მატჩი ნოემბრის შუა რიცხვებში, ფინალური შეხვედრა კი 18 დეკემბერს ჩატარდება.
ჟურნალმა დაწერა, რომ სწორედ ამ მიზეზით შეიძლება გერმანიის ბუნდესლიგა გაზაფხული-შემოდგომის სისტემაში ჩატარდეს, ჩემპიონატი კი ოქტომბერში დასრულდეს.
შეგახსენებთ, რომ მჩ-ის ფინალური ეტაპის ზამთარში ჩატარების ინიციატივით ფიფას პრეზიდენტი იოზეფ ბლატერი გამოვიდა. ამის მიზეზი ზაფხულში კათარში ჰაერის ტემპერატურის 50 გრადუსამდე ასვლაა.

"ბარსელონას" მთავარი მწვრთნელის ტიტო ვილიანოვას წასვლის შესახებ "რეალ" მადრიდმა ოფიციალურ გვერდზე მწუხარება გამოთქვა.
"რეალმა" ტიტო ვილიანოვას მიმართ საკუთარი პატივისცემა გამოხატა: "ჩვენ, აგრეთვე ტიტოს ოჯახს, მეგობრებს და "ბარსელონას" კლუბს ჩვენს სიყვარულსა და პატივისცემას გამოვხატავთ".
შეგახსენებთ, რომ 43 წლის პროფესიონალის მდგომარეობა გაუარესდა და მას სამკურნალო კურსის ჩატარება მოუხდა.