ABŞ Konqresinin Nümayəndələr Palatasının 17 sentyabr tarixli plenar iclasında Azərbaycanın dahi bəstəkarı Üzeyir Hacıbəylinin 130 illik yubileyi qeyd olunub. Bu münasibətlə ABŞ-ın Arizona ştatından olan konqresmen Paul Gosar çıxış edib.

Çıxışın nüsxəsi Azərbaycanın Los-Ancelesdəki baş konsulluğuna təqdim olunub.

Bu barədə “Report”a Azərbaycanın Los-Ancelesdəki Baş Konsulluğundan məlumat verilib.

Çıxışının əvvəlində 18 sentyabr tarixinin “Üzeyir Hacıbəyli Günü” kimi tanındığını bildirən konqresmen ölməz bəstəkarın Azərbaycan klassik musiqi sənətinin, o cümlədən, tarixi-mədəni irsinin formalaşmasındakı rolundan danışıb.

Yaxın Şərq və Şimali Afrika ölkələrindən, habelə Əfqanıstan, Pakistan, Banlqadeşdən Avropa Birliyinə axışan miqrantların yoxlanması proseduru gücləndirilib.

Almaniya kansleri Angela Merkelin qərarından sonra ölkənin Avstriya və Slovakiya ilə sərhədlərindəki buraxılış məntəqələrinin gücləndirilmiş iş rejiminə keçirilməsi, Macarıstanın sərhədlərinə tikanlı məftillərdən uca hasarlar çəkməsi, Hollandiyanın "sərt sərhəd nəzarəti rejiminin tətbiq ediləcəyi" barədə bəyanatla çıxış etməsindən sonra miqrantların "ələkdən keçirilməsi"nə başlanıb.

"Dalğa TV" European-a istinadən bildirir ki, ilkin məlumatlara görə, Suriyadan qaçdıqlarını deyən on minlərlə miqrantın minimum 1/3 hissəsinin yalan danışdıqları, saxtakarlıq etdikləri vurğulanır. Bundan başqa, miqrantlar arasında İŞİD mənsublarının sayının az olmadığı da deyilir.

Suriyalı Məhəmməd əl Əban deyir: "Baxın, bu insanlar guya Suriyadan, ölkəmdən olduqlarını deyirlər. Amma onların dəriləri daha qaradır. Bu adamlar ya Sudandan, ya da Afrikanın başqa ölkəsindən olan müsəlmanlardır. Almaniya biz suriyalı miqrantlar üçün qapıları aralayana kimi afrikalılar, əfqanlar, iraqlılar, iranlılar, livanlılar, daha kimlər, kimlər buraya axışmağa başladılar".