23 ოქტომბერს ევროპარლამენტის პლენარულ სესიაზე ევროპის სამეზობლო პოლიტიკის რეზოლუციის პროექტი მიიღეს.
სესიაზე რეზოლუციის პროექტის სომხეთ-აზერბაიჯანის, მთიანი ყარაბაღის კონფლიქტთან დაკავშირებით 16-ე პარაგრაფის დამდგენელმა სარიუშ-ვოლსკიმ ქვემოთ მოყვანილი შესწორება შესთავაზა და მიიღეს: "აღმოსავლეთ პარტნიორობის წევრი ქვეყნის ტერიტორიის მეორე წევრი ქვეყნის მიერ ოკუპაცია "აღმოსავლეთ პარტნიორობის" პროგრამის ფუნდამენტალურ პრინციპებს და მიზნებს არღვევს. მთიანი ყარაბაღის კონფლიქტის მოგვარება 1993 წელს გაეროს უშიშროების საბჭოს მიერ მიღებული 822-ე, 853-ე, 874-ე და 884-ე რეზოლუციებში, ევროპაში უსაფრთხოების და თანამშრომლობის ორგანიზაციის მინსკის ჯგუფის ძირითად პრინციპებს და 2009 წლის 10 ივლისის აკვილის ერთობლივ განცხადებას უნდა შეესაბამებოდეს".

 

საქართველოს პრეზიდენტი მიხეილ სააკაშვილი დღეს ქვემო ქართლის გუბერნატორ დავით კირკიტაძესთან და მარნეულის მაჟორიტარ დეპუტატ აზერ სულეიმანოვთან ერთად მარნეულის რაიონის სოფელ ალგეთში იმყოფებოდა, სადაც მოსახლეობას შეხვდა და წლების განმავლობაში არჩევნებზე მხარდაჭერისთვის მადლობა გადაუხადა.

პრეზიდენტმა მათ მომავალ არჩევნებზე სწორი არჩევანის გაკეთებისკენ და არჩევნებში აქტიური მონაწილეობისკენ მოუწოდა და აღნიშნა, რომ საპრეზიდენტო არჩევნების ბედი სწორედ მათ აქტივობაზეა დამოკიდებული.

მიხეილ სააკაშვილმა მოსახლოებას ნაციონალური მოძრაობის მმართველობის დროს არსებული მიღწევებიც შეახსენა.

"ჩვენ მივაღწიეთ იმას, რომ საქართველოში სამოქალაქო მშვიდობა ყოფილიყო. ვერავინ ვერ გეტყვით თქვენ, რომ არ ხართ სრულფასოვანი წევრი საზოგადოებისა. როდესაც პრეზიდენტი გავხდი, მე ვთქვი, რომ ვარ საქართველოს პრეზიდენტი, ვარ ყველა ქართველის და ნებისმიერი ეთნიკური წარმოშობის, აზერბაიჯანელის პრეზიდენტი. ვამაყობ იმით, რომ ყველაფერი გავაკეთეთ, რათა საქართველოში ახალგაზრდები იღებდნენ კარგ განათლებას; გავაკეთეთ ყველაფერი, რომ გზებზე თქვენ აღარ გაჩერებენ და აღარ გამცირებენ, ქრთამს აღარ გართმევენ", - განაცხადა მიხეილ სააკაშვილმა და დასძინა, რომ მთავარია ვერავინ გაბედოს ხელის აწევა მშვიდობასა და განვითარებაზე, რასაც ის ყველაზე მთავარ მონაპოვრად მიიჩნევს.

პრეზიდენტის თქმით, არასდროს ყოფილა ისეთი კარგი ურთიერთობა საქართველო-აზერბაიჯანს შორის, როგორსაც მან მიაღწია აზერბაიჯანის პრეზიდენტ ილჰამ ალიევთან ერთად და ის ამაყობს ამით.