27 სექტემბერს აზერბაიჯანის რესპუბლიკის პრეზიდენტთან არსებული უმაღლესი ატესტაციის კომისიის (უაკ) მორიგი სხდომა ჩატარდა. უაკ-ის პრეზიდიუმის სხდომაზე კომისიაში მოქმედი ექსპერტთა საბჭოების სტრუქტურა და მათი შემადგენლობა განიხილეს.
სამართლის და ეკონომიკის საკითხებში ექსპერტთა საბჭო გაუქმდა. სამართლის საკითხებში ექსპერტთა საბჭომ დამოუკიდებელი სტატუსი მიიღო.
ცნობილი იურისტი, მეცნიერი, სამართლის მეცნიერებათა დოქტორი, საერთაშორისო იურისტთა საბჭოს ვიცე-პრეზიდენტი, პროფესორ ილჰამ რაჰიმოვი უაკ-ის იურიდიულ საკითხებში ექსპერტთა საბჭოს თავმჯდომარედ დაინიშნა. ექსპერტთა საბჭოს ახალი შემადგენლობა დამტკიცდა.

"პრეზიდენტმა გამოსვლით მსოფლიოს კიდევ ერთხელ დაანახა, თუ რა მასშტაბის ფიგურაა".
ამის შესახებ საქართველოს ყოფილმა საგარეო საქმეთა მინისტრმა გრიგოლ ვაშაძემ მიხეილ სააკაშვილის გაეროს გენერალური ასამბლეის 68-ე სხდომაზე გამოსვლის კომენტირებისას განაცხადა.
"10-11 წელია, რაც მე, როგორც დიპლომატი და როგორც მოქალაქე პრეზიდენტის გამოსვლებს ვუსმენ. ეს გამოსვლა ფორმითა და შინაარსით საუკეთესო გამოსვლაა. პრეზიდენტმა გამოსვლის მსვლელობისას არა მხოლოდ საქართველოს საზოგადოებას, აგრეთვე მსოფლიოს დანარჩენ ნაწილს კიდევ ერთხელ დაანახა თუ რა მასშტაბის სახელმწიფო ფიგურაა", - განაცხადა ვაშაძემ.
მისი თქმით, პრეზიდენტმა გამოსვლაში ის სიმართლე თქვა, რომელიც საერთაშორისო თანამეგობრობამ ძალიან კარგად იცოდა, თუმცა პოლიტიკური კორექტირების გამო ამაზე საუბარს ვერ ბედავდა.
"პრეზიდენტმა რუსეთისა და რუსეთის პროექტების მიერ შექმნილ საფრთხეზე საერთაშორისო საზოგადოების ყურადღება გაამახვილა და განაცხადა, რომ თუ ვინმეს ჰგონია, რომ ბატონ პუტინს განწყობა ან ჩვევები შეიცვლება, ძალიან ცდება. პუტინი მსოფლიოს დანარჩენ ნაწილს თუ რამეს ჰპირდება რაღაცას აკეთებს, ან და ძალიან ცდილობს, რამე გააკეთოს. ამიტომაც ევრაზიული კავშირი დღეს საქართველოს, განსაკუთრებით კი მთელ პოსტსაბჭოთა სივრცეს დიდ საფრთხეს უქმნის", - განაცხადა საქართველოს ყოფილმა საგარეო საქმეთა მინისტრმა.