საგარეო საქმეთა სამინისტრომ აზერბაიჯანის ოკუპირებულ ტერიტორიებზე უკანონოდ ვიზიტის გამო "პერსონა ნონ გრატად" გამოცხადებული პირების სია გამოაქვეყნა.
"არასასურველი პირების" სიაში 335 ადამიანის სახელია. სიაში დიდი ბრიტანეთის ლორდთა პალატის წევრი ბარონესა კეროლაინ კოკსი, არგენტინის პარლამენტის დეპუტატი ხოსე არბო, რუსეთის პოლიტიკური და სამხედრო ანალიზის ინსტიტუტის საერთაშორისო ურთიერთობების განყოფილების უფროსი სერგეი მარკედონოვი, რუსეთის სახელმწიფო დუმის დეპუტატი მაქსიმ მიშჩენკო, დუმას დსთ-სა და თანამოქალაქეთა სამსახურის კომიტეტის თავმჯდომარეს პირველი მოადგილე, დსთ-ს ქვეყნების ინსტიტუტის დირექტორი კონსტანტინ ზატულინი, გერმანიის ბერლინის აკადემიის პრეზიდენტი ეკარტ დ. შტრატენშულტენი, ირანის ისლამური რესპუბლიკის პარლამენტის დეპუტატი რუბიკ სარდარიანი, საფრანგეთის ეროვნული ასამბლეის წევრი ფრანსუა როშბლანი, საფრანგეთის ეროვნული ასამბლეის დეპუტატები ჟორჟ კოლომბიე და ვალერი ბოიერი, მომღერალი მონსერატ კაბალიე, ევროკავშირის სამხრეთ კავკასიაში ყოფილი წარმომადგენელი პიტერ სემნები და სხვების სახელები არის.
სიაში მოხვედრილი პირები "აზერბაიჯანის რესპუბლიკის სახელმწიფო საზღვრის შესახებ" კანონის დარღვევის და აზერბაიჯანის რესპუბლიკის ტერიტორიული მთლიანობის და სუვერენიტეტის უპატივცემულობის გამო არასასურველ პირებად გამოაცხადეს და მათ აზერბაიჯანში ჩამოსვლა აუკრძალეს.

თურქმენეთის პრეზიდენტმა გურბანგულუ ბერდიმაჰამადოვმა ათასზე მეტი პატიმარი რამაზანის თვის დღესასწაულთან დაკავშირებით შეიწყალა.
პრეზიდენტმა ამის შესახებ განკარგულებას სამთავრობო სხდომაზე მოაწერა ხელი.
მან პროვინციულ, რაიონულ და საქალაქო ადმინისტრაციებს დაავალა, რომ გათავისუფლებულები სამუშაოთი უზრუნველყონ.
წმინდა ღამეებთან დაკავშირებით შეწყალებები ქვეყანაში 1999 წლიდან ხორციელდება. წელიწადში 3-4-ჯერ სახელმწიფო დღესასწაულებთან დაკავშირებით შეწყალების აქციები ხორციელდება.
უცხოეთში ერთ-ერთ გამოსვლაზე ბერდიმაჰამადოვმა განაცხადა: "თურქმენეთში პატიმრების რაოდენობა 10 ათასზე მეტი არ არის".