Gürcüstan paytaxtında pasyentlərə yüksək səviyyəli tibbi xidmət göstərəcək çoxprofilli “Lantset” Azərbaycan- gürcü tibb mərkəzi istifadəyə verilmişdir.
Onmərtəbəli klinika 25 milyon ABŞ dollarına başa gəlmişdir. Burada gürcü mütəxəssislərlə yanaşı, Türkiyə, Fransa, Avstraliya və İsraildən dəvət olunmuş yüksək ixtisaslı həkimlər nadir cərrahiyyə əməliyyatları aparacaqlar.
Tibb mərkəzinin açılış mərasiMində iştirak edən Gürcüstan parlamenti sədrinin birinci müavini Manana Kobaxidze AzərTAc-ın xüsusi müxbirinə müsahibəsində demişdir ki, ən müasir avadanlıqlarla təchiz olunmuş klinikanın açılışı münasibətilə Azərbaycan və gürcü xalqlarını təbrik edirəm. Bu, xalqlarımızın, dövlətlərimizin mehriban münasibətlərinin daha bir təsdiqidir və tibb mərkəzinin bütün bölgə üçün əsl müalicə ocağına çevriləcəyinə ümidvaram.
Vitse-spiker heç kimə xəstələnməyi arzulamadığını bildirmiş, ancaq lazım gəldiyi təqdirdə qabiliyyətli mütəxəssislərin çalışdıqları klinikadan hamının sevinə-sevinə qayıdacağına əmin olduğunu bildirmişdir.
Gürcüstan parlamentinin sabiq deputatı, akademik Fridon Todua çoxprofilli böyük bir tibb mərkəzinin Azərbaycan xalqının müdrik oğlu Heydər Əliyevin anadan olmasının 91-ci ildönümünün qeyd edildiyi günlərdə istifadəyə verilməsini təqdirəlayiq saymışdır. O, dahi şəxsiyyət Heydər Əliyevi şəxsən tanıdığını vurğulamışdır.
Akademik demişdir ki, dünya şöhrətli siyasi xadim Heydər Əliyev Gürcüstana ağır vaxtlarda həmişə kömək etmiş və onun uzaqgörən siyasəti sayəsində çoxlarının ağlına sığmayan əsrin qlobal layihələrinin Gürcüstandan keçməklə reallaşdırılması ölkənin rifahının yüksəldilməsi ilə yanaşı, təhlükəsizliyinə də təminat vermişdir.
F. Todua bu nadir klinikanın Tbilisidə fəaliyyətə başlamasını böyük hadisə adlandırmış, əməkdaşlara uğur diləmişdir. O, eyni taleli ölkələrimizin tezliklə separatizmdən xilas olub ərazi bütövlüklərini təmin edəcəklərinə əmin olduğunu qeyd etmişdir.

Dünyada ən böyük içki istehsalçısı “Coca-Cola” alıcılarda narahatlıq doğuran qatqını məhsulunun tərkibindən çıxarmağı qərara alıb.

AzNews.az BBC-yə istinadən xəbər verir ki, burada söhbət içkinin tərkibində olan bromlu bitki yağından gedir. Bu məhlul içkidə dad stabilizatoru kimi istifadə olunur. Həmçinin yağ məhsulu yanmadan qoruyur.

Şirkətin nümayəndəsi Con Qold qeyd edib ki, tərkibin içkidən çıxarılması təhlükəsizlik məqsədilə qərara alınmayıb: ““Coca-Cola”nın bütün kimyəvi kompanentləri beynəlxalq səviyyədə bəyənilib. Qərar ictimaiyyət tərəfindən narahatlığın və təzyiqlərin artması nəticəsində qəbul edilib”.
Məlumatda o da qeyd edilib ki, qatqının içkidən çıxarılmasına dair petisiyanı bir neçə min insan imzalayıb.