Heydər Əliyev Fondunun vitse-prezidenti, Rusiyanın Azərbaycanlı Gənclər Birliyinin (RAGB) sədri Leyla Əliyeva noyabrın 5-də Moskvada Rusiya Federasiyasının Gənclər Məsələləri üzrə Federal Agentliyinin rəhbəri Sergey Pospelovla görüşüb. Modern.az Azərtac-a istinadən məlumat verir ki, görüşdə könüllülük və skaut hərəkatları, ekologiya, istedadlı gənclərin, Azərbaycanda rus dilinin və Rusiyada Azərbaycan dilinin dəstəklənməsi üzrə müştərək layihələrin həyata keçirilməsi imkanları müzakirə edilib. RAGB-nin sədri Leyla Əliyeva qeyd edib ki, Azərbaycanda tədrisin rus dilində olduğu bütün məktəblər qorunub saxlanıb, Rusiya mədəniyyət və incəsənət nümayəndələrinin iştirakı ilə beynəlxalq tədbirlər keçirilir. Bakıda Mixail Lermontovun anadan olmasının 200 illiyinə həsr edilmiş xatirə gecəsi keçirilib. Sergey Yeseninin xatirə gecəsinin keçirilməsi planlaşdırılır. Leyla Əliyeva onu da qeyd edib ki, RAGB Rusiyanın ali məktəblərində təhsil alan əlaçı tələbələr üçün xüsusi təqaüd ayırır. Sergey Pospelov isə qeyd edib ki, Azərbaycan və Rusiya gəncləri bir sıra beynəlxalq məkanlarda vahid mövqedən çıxış edirlər və bu, sevindirici haldır. O, Soçidə F1 yarışlarının keçirilməsi üzrə təşkilat komitəsinin könüllülər korpusunun köməyini təklif edib. Bu təcrübə 2016-cı ildə Bakıda keçiriləcək yarışlar üçün faydalı ola bilər. Heydər Əliyev Mərkəzinin direktoru Anar Ələkbərov, Rusiya Federasiyasının Gənclər Məsələləri üzrə Federal Agentliyinin rəhbərinin müşavirləri Denis Zavarzin və İlya Yarmanov, habelə RAGB idarə heyətinin üzvü Emin Hacıyev görüşdə iştirak ediblər. Tərəflər görüşdə Rusiya Federasiyasının Gənclər Məsələləri üzrə Federal Agentliyi, Azərbaycan Gənclər və İdman Nazirliyi və Azərbaycan Respublikası Prezidenti yanında Gənclər Fondu arasında əməkdaşlıq haqqında razılığa gəliblər.

Sentyabrın 23-dən itkin düşən Cəlilabadın Məmmədrzalı kənd sakini 15 yaşlı Aynurə Nağıyeva oktyabrın 31-də ailəsinə təhvil verilib.

Bu barədə AzNews.az-a kəndi sakinləri məlumat verib. Onların bildirdiyinə görə, A.Nağıyevanı qaçıran Mikayıllı kənd sakini, Ələmdar Məmmədov ilə bağlı axarışlar davam etdirilir: “Hələlik polis şöbəsində izahat veriblər. Kəndin icra nümayəndəsi, bələdiyyəsi onların ailəsi ilə görüşmək istəyir. Telefonları bağlı olduğuna görə, bu görüş baş tutmayıb. Qız kənddədir. İndi biz dəqiq bilmirik ki, hadisənin kökü nədir. Çünkü, oğlan hələ tapılmayıb, gizlənir. Amerikaya qaçmayacaq ki, axır tapacaqlar”.

Sakinlər bildirib ki, A.Nağıyevanın qaçırılma olayında tibbi ekspertizanın cavabı çox önəmlidir: “Həkim müayinələri aparılacaq. Yalnız bu rəydən sonra hadisə ilə bağlı nəsə demək olar, gözləyək”.

Qeyd edək ki, Cəlilabadda 15 yaşlı A.Nağıyevanın öz doğma bacısının həyat yoldaşı Ələmdar Məmmədov ilə qoşulub qaçdığı bildirilmişdi. A.Nağıyevanı qaçıran şəxs Qaradağ rayonundakı daş karxanalarından birində fəhlə işləyir və Buta qəsəbəsində kirayədə yaşayır.

Oktyabrın 31-də isə A.Nağıyeva özü Cəlilabad Rayon Polis şöbəsinə gedib. 

Hazırda məsələ ilə bağlı Cəlilabad Rayon Polis şöbəsində cinayət işi açılıb.