“Çox kədərlidir ki, Ermənistan və Azərbaycan arasında olan Dağlıq Qarabağ münaqişəsi hələ də həll edilməmiş qalır”.

Dalgatv-nin  APA-ya istinadən verdiyi məlumata görə, bunu Gürcüstanın barış və vətəndaş bərabərliyi məsələləri üzrə dövlət naziri Pata Zakareişvili Gürcüstanda fəaliyyət göstərən Azərbaycandilli jurnalistlərlə görüşündə deyib.

Nazir xatırladıb ki, münaqişənin həlli istiqamətində ATƏT-in Minsk Qrupu işləyir: “Azərbaycan və Ermənistan prezidentlərinin Parisdəki təkbətək görüşü bizi ruhlandırır ki, bu münaqişənin həllində müsbət irəliləyiş olacaq. Bu, yaxşı işarədir. İnanırıq ki, bu istiqamətdə keçirilən görüşlərin dinamik inkişafı müsbət nəticələr verəcək”.

Azərbaycan prezidenti İlham Əliyevin bu gün imzaladığı əfv sərəncamı ümumilikdə 84 nəfərə şamil olunub.

ANS PRESS-in məlumatına görə, siyahıda “N!DA” Vətəndaş Hərəkatının üzvləri Novruzlu Şahin İbrahim oğlu, Quliyev Bəxtiyar Səməndər oğlu, Mürsəlli Elsevər Nəsrəddin oğlunun da adları yer alıb. Onlar bir müddət əvvəl ölkə prezidentinə əfv olunmaları ilə bağlı müraciət məktubu ünvanlamışdılar.

Qeyd edək ki, dövlət başçısı İlham Əliyevin bu gün imzaladığı əfv sərəncamında hüquq müdafiəçisi Hüseynli Həsən Yəhya oğlunun da adı var.