Türkiyədə uğurlu əməliyyat həyata keçirilib.

“Qafqazinfo” Türkiyə mətbuatına istinadən xəbər verir ki, Gaziantepdə tək qulaqlı doğulan 6 yaşlı Sude Aslanoğluya yeni qulaq düzəldilib. Əməliyyat zamanı qabırğasından götürülən qığırdaqdan qulaq hazırlanıb.

Həkimin sözlərinə görə, dünyada hər 6 min uşaqdan bir nəfərdə “mikro qulaq” adlanan xəstəlik meydana gəlir və bir qulaq inkişafdan dayanır.

O, 6 yaşlı qızın yeni qulağının digərindən fərqlənmədiyini bildirib.

“Birinci Avropa Oyunlarının ölkəmizdə keçirilməsi Azərbaycan üçün çox böyük idman hadisəsidir”.

Bunu karate üzrə Avropa və dünya çempionu, Azərbaycan Karate-do Federasiyaları Assosiasiyasının prezidenti, millət vəkili Ülvi Quliyev deyib.

O, cəmiyyətimizin “Bakı-2015” Avropa Oyunlarına yüksək əhval-ruhiyyə ilə hazırlaşdığını qeyd edib və “Bakı-2015” Avropa Oyunları Təşkilat Komitəsinin bütün hazırlıq işlərini yüksək səviyyədə yerinə yetirdiyini bildirib.

Dünya çempionu bütün Azərbaycan vətəndaşlarının Oyunların yüksək səviyyədə keçirilməsi üçün həmrəy olduqlarını vurğulayıb: “Hər kəs şahid olacaq ki, “Bakı-2015” Avropa Oyunları Yay Olimpiya Oyunları səviyyəsində keçiriləcək. Bəzi qüvvələr Azərbaycanın uğurlarını istəmirlər. Onlar qaryaxma kampaniyaları keçirərək, ölkəmizin uğurlarına kölgə salmaq niyyətindədirlər. Amma bu, mümkün deyil. Hər kəs prosesləri izləyir. Bütün Azərbaycan vətəndaşları və dünya belə kampaniyaların əsassız olduğunu bilir. Belə hallar ölkəmizdə “Avroviziya” mahnı müsabiqəsi keçirilən zaman da baş vermişdi. Azərbaycan uğurlar əldə edəndə bəzi qüvvələr işə düşürlər və qarayaxmalara başlayırlar. Ancaq müstəqil Azərbaycana qarşı belə qarayaxmalarla heç nə əldə edə bilməyəcəklər. “Bakı-2015” I Avropa Oyunları yüksək səviyyədə keçiriləcək və inanıram ki, Azərbaycan idmançıları da yüksək nəticələrlə xalqımızı sevindirəcəklər”.