პორტუგალიაში უკვე 10 დღის განმავლობაში ტყის ხანძარი გრძელდება.
სიერა დო კარამულოს რეგიონში ხანძრის შედეგად დაღუპულთა რიცხვმა 3-ს მიაღწია.
ყველა მათგანი მეხანძრე იყო. ოფიციალური პირების ინფორმაციით, პორტუგალიის ისტორიაში ეს ხანძარი ყველაზე ფართომასშტაბიან და ბოლო 10 წლის განმავლობაში ყველაზე ძლიერ ხანძრად ითვლება.
მიუხედავად იმისა, რომ გუშინ საღამოს ხანძარი კონტროლის ქვეშ აიყვანეს, მის მთლიანად ლიკვიდირებას დრო დასჭირდება. ცეცხლთან ბრძოლაში 600-ზე მეტი მეხანძრე და 200-ზე მეტი ტექნიკა ჩაერთო. პორტუგალიელ მეხანძრეებს დასახმარებლად ესპანეთიდან და საფრანგეთიდან მეხანძრეები, სამხედროები და წყლის სათავსო თვითმფრინავები მოვიდნენ.
სავარაუდოდ, პორტუგალიაში ტყის ხანძრის მიზეზი 30 გრადუსი სიცხეა. არ გამოირიცხება ადამიანის ფაქტორიც.

იძულებით გადაადგილებულ პირთა ჯგუფმა მირელი გაშგაის ქუჩასთან ბაქოხანოვის ქუჩის გადაკვეთაზე გზა დაკეტეს. იძულებით გადაადგილებული პირები მათთვის მიცემული ბინების უსამართლოდ გადანაწილებას აპროტესტებენ.
ამჟამად გზა დაკეტილია და საგზაო პოლიციის ძალისხმევის მიუხედავად, აქციის მონაწილეებმა გზა არ გახსნეს.